Харгуйтын амны баруун салааны алтны шороон орд нь Улаанбаатар хотоос баруун зүгт Хангайн уулархаг мужийн төвийн хэсэг, Орхон голын эх сав газарт орших бөгөөд засаг захиргааны хувьд Архангай аймгийн Цэнхэр сумын нутагт харъяалагдана.

Ажлын байрнаас ажилчдын эрүүл мэндэд учруулж болзошгүй сөрөг нөлөөллөөс урьдчилан сэргийлэх, бууруулах, хамгаалах хэрэгсэл, ажлын хувцас, орчны шуугианаас хамгаалах чихэвч, бөглөө, гутал, бээлий, каск, хантааз зэргээр зайлшгүй хангаж хөдөлмөр хамгааллын аюулгүй байдлыг мөрдөн ажиллах шаардлагатай.

Зөвхөн хувийн хамгаалах хувцас хэрэгслээр ажилчдыг хангах нь хангалттай биш бөгөөд тэдэнд хувийн хамгаалах хэрэгслийг зөв өмсөж хэрэглэх засаж сэлбэх талаар сургалтуудыг зайлшгүй хийж гүйцэтгэнэ. ХАБЭАБО ажилтан хяналт тавьж ажиллахын хажуугаар хэлтэс нэгж бүрийн ахлах ажилтнууд мөн аюулгүй ажиллагааны дүрэм журмыг мөрдүүлэн ажиллана.