Дижитал Повер компани нь барилга, уул уурхай болон үйлдвэрийн холбоо дохиолол, автоматжуулалтын тоног төхөөрөмжийн худалдаа, угсралт болон үйлчилгээг хүргэх зорилгоор 1999 онд М-Сип-Эс Электроникс компанийн Систем Интеграцчлалын Газар нэртэйгээр анх үйл ажиллагаагаа эхлүүлж байсан. Тус компани нь менежментийн хувьчлалын үр дүнд 2013 оны 5-р сарын 1-ний өдрөөс М-Си-Эс Группийн бүрэлдэхүүнээс албан ёсоор гарч, Ай Ти Зон нэрээр бие даан үйл ажиллагаагаа явуулж байгаа бөгөөд цаашлаад, Ай Ти Зон компанийн Систем Интеграцчлал Автоматжуулалтын Газар нь хэтийн бизнесийн стратегийн дагуу 70 гаруй мэргэжлийн, туршлагатай ажилчдын бүрэлдэхүүнтэйгээр 2018 ондАй Ти Зон компаниас тусгаар бие даажДижитал Повер ХХК болсон билээ.

“Бид дэлхийн стандартад нийцсэн инженерчлэлийн шийдэл, төслийн удирдлага болон зөвлөх үйлчилгээг үзүүлэгч компани болно.”гэсэн эрхэм зорилготойгоор, Үйлдвэр болон барилгын автоматжуулалт, Сүлжээ болон хүчний дэд бүтэц, Цогц биет аюулгүй байдал, Гэр болон оффисын автоматжуулалт, Цахилгаан гэсэн үндсэн 5 чиглэлийн, мэргэжлийн шийдлүүдийг санал болгон ажилладаг байгаа. Дижитал Повер компани нь Siemens, Schneider, Bosch, Johnson Controls, Fibaro, Crestron, Suprema, Securiton, Axis зэрэг дэлхийн нэр хүнд бүхий 30 гаруй компанитай хамтран ажиллаж, албан ёсны баталгаат бүтээгдэхүүн, шийдлийг мэргэжлийн түвшинд хүргэн ажиллаж байна.