“Динза”, “Цондоолой Цүндээлэй 2” комик ном нь Монголын 3 үеийнхний шимтэн унших дуртай, БСШУЯ-ны шилдэг ном, Боловсролын үндэсний хүрээлэнгээр үнэлгээ хийгдсэн, дэлхийн алдарт National Geographic нийгэмлэгийн байгаль хамгаалагч, шинжлэх ухаанч дүрүүд, Монголд 2.7 сая хувь хэвлэгдэж хэвлэмэл бүтээгдэхүүний дээд амжилтыг тогтоож, өдгөө үндэсний брэнд болон хөгжиж комик ном, номын нэрийн бүтээгдэхүүн, хүүхдийн боловсролын чиглэлийн үйл ажиллагаа явуулж байна.

Хөтөлбөрүүд:

“ХҮҮХЭД ХӨГЖИЛ ТӨЛӨВШИЛ-ДМ” ХӨТӨЛБӨР

Дэлхий дахинд боловсролын чиг хандлага өөрчлөгдөж, орон бүр өөрсдийн онцлогт тохируулсан арга зүйг чухалчилж буй энэ үед “Динза Цондоолойгийн анд найзууд” ТББ-аас Монгол хүүхдийн сэтгэл зүй, сэтгэхүйд тохирсон комик ном дээр тулгуурласан сургалтын орчин үеийн арга зүйг хэрэгжүүлж байна. “Багш бүхэн сэтгэл зүйч” зуны хөтөлбөрийг санаачилсан ба тус сургалтаар сурагчдад хүртээмжтэй боловсролыг эзэмшүүлэхийг зорин, хичээлийн хоцрогдолтой, сурах сонирхолгүй хүүхдүүдийг ч хичээлдээ дуртай болгож, сурлагын ахиц дэвшил гарахад үр дүнтэй арга зүй юм. Мөн түүнчлэн тухайн хөтөлбөрийг ангидаа хэрэгжүүлж буй багш нарын нийгмийн асуудлыг шийдэх, тухайлбал нэг багшид дунджаар 3.6 сая төгрөгийн цалин, урамшуулал тооцогдох юм.

“НОМЫН САЙН АНД НАЙЗУУД” БҮХ НИЙТИЙГ НОМ УНШИХАД УРИЛСАН АРГА ХЭМЖЭЭ, ХӨТӨЛБӨР

Хөдөө орон нутгийн алслагдсан сумд, гэр хорооллын захын сургуулиудын зорилтот бүлгийн хүүхэд багачуудыг ном унших боломжоор хангах, номын сан байгуулж, ном унших хөтөлбөрийг хэрэгжүүлдэг.

“МЭДЛЭГ БЭЛЭГЛЭЕ” ТЭТГЭЛЭГТ ХӨТӨЛБӨР

2024 оноос хэрэгжүүлж эхэлсэн тус хөтөлбөрт “Динза”, “Цондоолой Цүндээлэй хоёр” комиксын анхны уншигч 100 гаруй оюутан оролцож байгаа бөгөөд “Мэдлэг түгээгч” оюутан залуус Бяцхан дүү нартаа ном унших нөлөөллийн ажлыг идэвхжүүлэхэд тэд хувь нэмэр оруулснаас гадна уг хөтөлбөрөөс олсон орлого нь сургалтын төлбөр болон тогтмол цалинд зарцуулагддаг.