“Хөвсгөл АЗЗА” ТӨХК-ийн суурь БНМАУ-ын СнЗ-ийн 1956 оны 6 сарын 8-ны өдрийн 288 тоот тогтоол, Тээврийн Яамны сайдын мөн оны 155 тоот тушаалын дагуу 1956 оны 7 сарын 1-нд ТЯ-ны ЗХЭГ-ын (Замын хэрэг эрхлэх газар) харьяа “ Хөвсгөл аймаг дахь Замын анги” нэртэйгээр авто зам, гүүр шинээр барих, зам засвар арчлалтыг хийх үндсэн үүрэгтэйгээр үйл ажиллагаа явуулахаар үүсэн байгуулагдсан юм. Хагас зууны түүхэн замналтай тус замын байгууллага 1956- 1964 он хүртэл Тээврийн Яамны харьяанд, 1964- 1995 он хүртэл “Зам барилга ашиглалтын контор” нэртэйгээр үйл ажиллагааг тасралтгүй амжилттай явуулж ирсэн. 1995 онд Хөвсгөл аймгийн өмч хувьчлалын комиссын 1997 оны 12 сарын 30- ны өдрийн 43 тоот тогтоолын дагуу төрийн өмчийн давамгайлсан “ Хөвсгөл зам” ХХК болон аж ахуйн нэгжийн зохион байгуулалтад орсон бөгөөд 2002 онд МУ- ын ТӨХ- ны 683 тоот тогтоолын дагуу “Хөвсгөл зам” ХХК (хувийн) “Хөвсгөл АЗЗА” (төрийн) гэсэн 2 компани болон тус тусдаа ажиллах болсон юм.

“Хөвсгөл АЗЗА” ТӨХК нь 2002- 2005 онд “Улаанбаатар АЗЗА”, 2005-2006 онд “Булган АЗЗА” ТӨХК- ны харьяа салбар, 2006 оноос МУ-ын ЗГ-ын 173 тоот тогтоолын дагуу бие даасан “Хөвсгөл АЗЗА” ТӨХК болон үйлдвэрлэл үйлчилгээ явуулж эхэлсэн билээ.