Тус “Монголиан транс ложистик” ХХК нь Зам, Тээврийн Хөгжлийн Яамнаас олгодог Төмөр замын тээврийн аюулгүй байдалтай холбоотой үйл ажиллагаа эрхлэх тусгай зөвшөөрөл бүхий "Төмөр замын тээвэр зуучлал", "Дагнасан хэрэглээний зам, талбай барих" гэрчилгээтэй Монголын тээвэр зуучийн нэгдсэн холбооны гишүүн байгууллага бөгөөд 100 хувь үндэсний хөрөнгө оруулалттай компани болно.

Манай компани нь төмөр замын тээврийн тасралтгүй аюулгүй байдлыг хангаж, байгаль орчин, орон нутагт сөрөг нөлөөгүй тээврийн дэд бүтцийн хүчин чадлыг нэмэгдүүлэхэд онцгой ач холбогдол өгч ажилладаг бөгөөд Дорноговь аймгийн Алтанширээ суманд үйлдвэрлэлийн зориулалтаар 10,3 км салбар төмөр зам барих бүтээн байгуулалтын ажлыг эхлүүлээд байна.