Сайн туслагч Пүрэвдорж овогтой Даваажав миний бие хүнд хэрэгтэй хүн гэдгээ цохилох зүрх, хийж буй үйлдлээрээ хийж, мэдрэхийг хүсдэг хүн. Өөрийн дотоод мөн чанарыг таньж мэдэх явцад “БИ” –ээсээ гарах, гарахыг хүсэх сэтгэл дийлсээр одоо эрхэлж буй ажлын суурь болсон юм. Миний бие амьдрах орчиндоо зөв хүн, зөв хандлагыг тарихыг хичээсээр өнөөг хүрэхэд Бизнес эрхлэгчдийн хүрээнд соёолж буй мод адил эерэг хандлагатай CEO, бизнесийн удирдлагын мэргэжилтэн болсон байна. Хүнд тусладаг, үйлчилдэг чанарыг тэргүүнд тавьснаар орчин үеийн удирдагчдын чансаа тодорхойлогдож байгаа нь удирдагч болох хүсэлтэй хүмүүсийн шүүлтүүр болсоор байна. “ Амьдралын 10% нь таньд тохиолдсон зүйл, үлдсэн 90% нь таны хариу үйлдлээс шалтгаалдаг”. Сурсан зүйл гэдэг хэрэгтэй, жүжигчин,багш,эрх зүйч мэргэжлийг эзэмшиссэн минь аливаа юмны учир шалтгааны зүй тогтлыг таньж мэдэх хүсэлд нөлөөлж, амьдралд хандах хандлагын минь луужин болсон билээ. Харин надад зэвсэг байхгүй байсан нь цаашид суралцах хэрэгтэй гэдгээ л мэдэрсэн. Сурч авсан мэдлэг надад өөрийгөө сөхрөөд унах цагт өвдөгний хамгаалттай, толгойдоо зохиулах үед хамгаалалтын касктай болж чадсан юм. Одоогоор ажиллах явцад олон шинэ зүйлийг мэдэж авч байгаа минь хүнд тусалж, үйлчилсний үр дүн. Цаашид энэ хандлагаар л суралцана, ажиллана. “Энэ хорвоод амжилтанд хүрсэн хүмүүс хүссэн орчноо хайдаг, олдохгүй бол өөрөө тэр орчноо бүтээдэг”