“Алтан хонх” танин мэдэхүйн нэвтрүүлэг нь гурван жилийн турш үзэгчдийг байлдан дагуулсан нэвтрүүлэг бөгөөд 2011 оноос өнгө төрх, агуулгаараа илүү өргөжин эргэн төрлөө. Зураг авалт тухайн сургууль дээр явагддаг болохоор нэвтрүүлгийн уур амьсгал халуун дулаан, техник хэрэгслийн өндөр түвшинд хийгддэг учраас дуу дүрсний чанар сайн. Мөн манай багт дадлага туршлагатай чадварлаг мэргэжилтнүүд ажилладаг учраас агуулга хэлбэр, эвлүүлэг графикийн хувьд чанартай нэвтрүүлэг хийх болно. “Алтан хонх” нэвтрүүлэг үзэгчдийн амралт, чөлөөт цагт зориулан долоо хоног бүрийн Бямба, Ням гарагт UBS телевизийн 1-р сувгаар 50 минутын хугацаатай цацагдана. Амьдралын хамгийн сайхан үе болох оюутан, сурагч насаа “Алтан хонх”-той мөнхөлж, өөрийгөө нээн, оюуны чадвар, авхаалж самбаагаараа өрсөлдөх боломжийг олгох манай нэвтрүүлэгт оролцсоноор сургуулийн тань нэгэн том сурталчилгаа болох төдийгүй, эргээд харахад та бүхний хамтдаа бүтээсэн, хамтдаа мөнхөлсөн сайхан дурсамж үлдэх болно. “Алтан хонх” та бүхэнд амжилт, аз авчрах болтугай.