Монгол Улсын Засгийн газар, Дэлхийн банк хамтран 2005 оноос тус төслийг хэрэгжүүлж эхэлсэн бөгөөд 2012 онд үндэсний хэмжээнд буюу Монгол Улсын бүх аймаг, нийслэл хотод малын эрсдлийн даатгалын үйлчилгээ авах боломжийг бүрдүүлээд байна. Төслийн хөгжлийн зорилго нь Малын эрсдлийн даатгалын тогтолцоог Засгийн газрын оролцоотойгоор үндэсний хэмжээнд нэвтрүүлэх оновчтой бүтцийг бий болгох, эрх зүйн орчныг бүрдүүлэхэд оршиж байгаа бөгөөд малчин өрхүүдийн гамшгаас үүсэх их хэмжээний малын хорогдолтой холбоотой эдийн засгийн эмзэг, хараат байдлыг бууруулах нь төслийн үндсэн үр дүн юм.