Холбоо нь ардчилсан, либерал үзэл санаатай, түүнийг дэмждэг залуучуудын нийгэм дэх оролцоог дэмжих, итгэл үнэмшлийг хөхүүлэн дэмжиж нэгтгэх, нийгэмд эзлэх байр суурийг нь бэхжүүлэх, эрх ашгийг нь хамгаалах, мэдлэг боловсролыг нь дээшлүүлж, тэдний эрх, аюулгүй байдлын төлөө төр ба төрийн бус байгууллагатай хамтран болон дангаар олон нийтийн хөдөлгөөнийг өрнүүлэх, арга хэмжээ зохин явуулах зэрэг үйл ажиллагаа явуулдаг ашгийн төлөө бус, нийгэмд үйлчилдэг төрийн бус байгууллага мөн. Холбооны эрхэм зорилго нь нийгэмд ардчилсан, либерал үзэл санааг дэлгэрүүлэх, хэрэгжүүлэх эрмэлзлэл бүхий монголын залуучуудын хүсэл сонирхлыг илэрхийлэн хамгаалахад оршино. Холбоо нь бодлого, үйл ажиллагаандаа дараах үндсэн чиглэлийг баримтлан ажиллана. - Ардчилсан, либерал үзэлд итгэх олон түмний итгэлийг бэхжүүлэх, дэмжигчдийн хүрээг өргөтгөх - Залуучуудын талаар төрөөс баримтлах бодлогыг боловсруулах, хэрэгжүүлэхэд оролцох - Залуучуудын хүсэл сонирхолд нийцсэн төрөл бүрийн арга хэмжээг зохион байгуулах, хүүхэд залуучууд, оюутан, эмэгтэйчүүд, ахмад, үйлдвэрчний эвлэлийн болон бусад төрийн бус байгууллагуудтай хамтран ажиллах