Гүйцэтгэлийн Төгс Төгөлдөр, чанар, байгууллагын хөгжлийг гол чиглэлээ болгосноор ГТТТ нь бизнесийн байгууллагуудад үзүүлэх үйлчилгээ, оруулах хувь нэмрийг мэдлэгийн менежмент, бенчмаркинг, тэргүүн туршлагаар өргөжүүлнэ. Манлайлал, стратегийн удирдлага, байгууллагын хөгжил, Чадавхид суурилсан Хүний Нөөцийн Менежмент, хөгжил, Чанарын нэгдсэн удирдлага, Бүтээмж, гүйцэтгэлийн хэмжилт зэрэг талбаруудаар төсөл хэрэгжүүлж, сургалт, зөвлөгөө өгнө. Төвийн Зөвлөхүүд, ажилтнууд Америкийн Бүтээмж, Чанарын Төв, Японы Бүтээмжийн Төв, Сингапурын Бүтээмжийн Байгууллага, Олон Улсын Хөдөлмөрийн Байгууллага, Малайзын Бүтээмжийн Байгууллага, Азийн Бүтээмжийн Байгууллага зэрэг олон улсын байгууллагуудад бэлтгэгдсэн. ГТТГ-ийн зөвлөхүүд 2009 оноос эхлэн Европын Сэргээн Босголт, Хөгжлийн Банкны Бизнесийн Зөвлөгөө Үйлчилгээний хөтөлбөртэй хамтран дотоодын компаниудад төсөл хэрэгжүүлж байна.