МОНХИМО ХХК ийн харъяа ЭШТТөв 1998 онд байгуулагдаж, 2003 онд БСШУЯ эрдэм шинжилгээний байгууллагын тусгай зөвшөөрөл олгосон, Багануур дүүрэгт үйлдвэрлэлийн хэсэг байрладаг. Тус ЭШТТөв нь химийн лаборатор, эм судлалын лаборатор, нян судлалын лаборатор, инновацийн туршилтын цех, байгаль орчныг хамгаалах, нөхөн сэргээх туршилтын бааз зэрэг бүтэцтэйгээр ажиллаж байна. 2007 оноос багануур дүүрэгт байгуулах ҮТП ын хүрээнд өндөр технологийн аж үйлдвэрийн эрдэм шинжилгээ үйлдвэрлэлийн цогцолбор ТЭЗҮ -г боловсруулах ажлыг гүйцэтгэж байна. Орчин үеийн дэвшилтэт Технологийн дэлхийн чиг хандлагыг судлан Монголд нэвтрүүлэх, мөн эх орны эрдэс баялаг, ургамал, малын дайвар түүхий эдэд түшиглэсэн экспортын бүтээгдэхүүнийг шинээр бий болгож, тэдгээрийн технологийг боловсруулан үйлдвэрлэлд нэвтрүүлэх чиглэлээр эрдэм шинжилгээний туршилт, судалгааны ажлыг гүйцэтгэж байна.