ОХУ 2025 онд Энэтхэгээс ойролцоогоор нэг сая мэргэжилтэн авах төлөвлөгөөтэй байна. Уг санаачилга нь ОХУ-ын эдийн засгийн гол салбаруудыг дэмжих, мөн барилга байгууламж, үйлдвэрлэл болон бусад салбарууд дахь ажиллах хүчний хомсдлыг нөхөх зорилготой юм.

ОХУ-ын Засгийн газар Энэтхэгтэй хамтран тусгайлан гэрээт ажиллах хүчний хөтөлбөр хэрэгжүүлж, англи болон орос хэлний сургалт, визний журам хялбаршуулах, орон сууцны асуудлыг шийдэх зэрэг цогц арга хэмжээг авч хэрэгжүүлэхээр төлөвлөжээ.

Энэхүү томоохон ажиллах хүчний шилжилт хөдөлгөөн нь хоёр улсын эдийн засаг, хөдөлмөрийн зах зээлийн харилцааг улам гүнзгийрүүлж, олон мянган Энэтхэг мэргэжилтнүүдэд ОХУ-д ур чадвараа ашиглан ажиллах боломжийг нээж өгнө гэж үзэж байна.

Түүнчлэн, энэ санаачилгын хүрээнд барилга, зам гүүр, эрчим хүч, мэдээллийн технологи, үйлдвэрлэлийн салбаруудад ихээхэн анхаарал хандуулах аж. Энэтхэгийн Засгийн газар ч энэхүү хөтөлбөрийг дэмжиж, ажиллах хүчний урсгалыг зохицуулах тусгай арга хэмжээнүүдийг боловсруулж байгаа юм.